Selamat siang dunsanak kasadonyo... lah lamo pulo ambo indak ma update tulisan ataupun nan lainnyo di Blog nangko... kini dek lai wakatu senggang... dek lai inspirasi tuak manulih mangko ambo sempat an untuak mambuek carito nan baubuangan jo Hukum Adat Minang kabau terkhusus dan studi kasus ambo lakuan d kampuang ambo....
indak banyak carito... indak banyak mukadimah... paubek penasaran dunsanak... lansuang sajo carito di mulai....
Dikampuang kami nangko mamakai adat turunan dari Datuak Parpatiah Nan Sabatang yaitunyo barajo k mufakaiak, samantaro di bumi minang kabau nangko ado duo (2) aliran kabanaran manuruik sejarah yaitu Barajo ka Mufakaiak nan di wariskan dek Datuak Parpatiah Nan Sabatang jo Barajo k Rajo nan diwarisan dek Datuak Katumanggungan, nan mano makasuik dari barajo k mufakaiak adolah kato nan k d banai, karajo nan ka dituruik adolah hasil mufakaiak (kaputusan) basamo... sadangkan barajo k rajo adolah kaputusan di tangan pangulu (datuak)
Nah Dunsanak kasadonyo disiko d kampuang ambo iyo barajo k mufakaiak... dalam mamutuih peraturan (adat) salalu hasil dari mufakaiak antaro niniak mamak nan ado d kampuang nan d satujui pulo dek niniak mamak nan didauluan salangkah di tinggian sarantiang dari niniak mamak nan banyak nan d sabuik niniak mamak nan batujuah...
Baitu juo dalam mambarian jo manjalanan hukuman ateh kesalahan adat nantun...
Carito kunjuang carito mungkin carito nanko barubah manjadi curhatan ambo jo masalah nan manimpo jo hukum nan dijalani...
disiko ado carito salah surang niniak mamak nan batujuah mambuek kasalahan (disiko ambo sabuik sajo Datuak Si Atuak)... nan kato niniak mamak nan lain jo niniak mamak nan kanai dampak dari kasalahan nantun (disiko ambo sabuik sajo Datuak Si Kulai)... nan mano kaum datuak si kulai ado nan balaki jo duda... samantaro duda ko barasa dari kampuang sabalah nan baranak padusi... anak padusi duda ko (sasuku jo kaum datuak si atuak) dibaokno k rumah bini kaum datuak si kulai... di kampuang bini barunyoko si duda mambali tanah nan dibuek an no rumah... katiko anak padusi si duda ko lah gadih dan siap untuak balaki mako anak dari si duda nan laki2 ( jo bini baru kaum datuak si kulai datang manamui datuak si atuak untuak mambarian surek izin manikah dari mamak... karano anak gadih si duda nantun katiko di kampuangno dulu sasuku jo kaum datuak si atuak...
Datuak si Atuak basadio pulo manandotangani surek NA nan tun sahinggo sampai baralek gadang d rumah kamanakan Datuak Si Kulai... samantaro Datuak Si Atuak indak ado mangicek sapatah muluik juo k Datuak Si Kulai bahaso rumah kamanakan Datuak Sikulai k di pakai untuak baralek anak Gadih si duda nan kabatulan sasuku jo kaum Datuak Si Atuak...
Dari uraian kasalahan nan tun Kaum Datuak Si Kulai maraso tasingguang n ndak tarimo dek karano datuak Si Atuak saolah2 mandirian adaiak d Rumah Kamanakan Datuak Si Kulai.
Panjang carito di balai adaiak katiko manyidangan masalah nantun dek niniak mamak nan batujuah jo niniak mamak nan banyak jatuahlah suatu kaputusan bahaso Datuak Si Atuak memang lah malangga tatanan Adaiak nan ado di kampuang nantun sahinggo untuak hukuman Kaum Datuak Si Atuak Harus mambaia utang dalam bilangan sekian ameh atau kalau indak d baia utang mangko Kaum Datuak Si Atuak ditinggaan dek nagari sampai utang d bayia (tingga dalam tatanan adaiak)...
Sasudah nan tun Kamanakan dari Datuak Siatuak Alah Bausao manduduak an mamak jo kaum nan
sasuku namun Datuak Si Atuak jo Penasehatnyo (Angku) manyalahan niniak mamak nan banyak jo manyalahan kamanakan nan bausao untuak mangumpuan kamanakan nan lain ko dalam pancari panyalasaian masalah utang nan lah tumbuah....
Kamanakan lai bapikia panjang mangko di kumpuan supayo mamak nan di gadangan nan ditinggian sarantiang di dauluan salangkah indak maraso salah surang.. namun Datuak Si Atuak indak tarimo..kamanakan mangumpuan dek maraso katiko mamak di balai biaso batah lidah...
Sasudah nantun kamanakan bausaho mintak tolong k mamak balahan di kampuang sabalah dan mamak balahan nanko namuah mambantu... sahinggo di takuak hari untuk dduak samo Datuak Si Atuak untuak mambaco jo mancari solusi dari masalah nan ado... sahinggo sasudah duduak didapek kaputusan utang iyo d baia...
Sasudah bapisah jo bacarai antaro mamak balahan jo Datuak si Atuak kumbali k prinsip awalnyo sahinggo kaputusan nan lah ado yaitu baia utang k nagari indak jadi dijalankannyo...
Mungkinkah mamak nan sarupo Datuak si Atuak nan ko tetap d patahankan untuak mamimpin anak kamanakan sebagai kapalo kaum ( Datuak)? karano rasonyo mamak nan sarupo iko indak lai tagak dinan bana, raso lah ma aniayo kamanakan... karano satiok apo acara adaiak nan d adoan dek urng kampuang nan kamanakan indak bisa ikuik... n ... katiko acara adaiak k d lakuan dek kamanakan urng indak naiak k rumah kamanakan lai... acara adaiak sarupo baralek nikah, kamatian, dll
Bak kato rang minang:
kamanakan barajo k mamak
mamak barajo k nan bana
nan bana barajo k nan Khadi
